"समृद्ध नेपाल, सुखी नेपाली"का लागि सुशासन नेपाल

सुदूरपश्चिमको सभामुखमा माओवादीका भण्डारी निर्वाचित

प्रकाशित मिति :  ३ माघ २०७९, मंगलवार १२:५८


धनगढी । सुदूरपश्चिम प्रदेश सभाको सभामुखमा भीमबहादुर भण्डारी निर्वाचित भएका छन् । सभामुख चयनका लागि तेस्रोपटक मंगलबार भएको निर्वाचनमा सत्तागठबन्धनबाट माओवादीका उम्मेदवार भण्डारी २९ मत ल्याएर निर्वाचित भएका हुन् । उनको विपक्षमा २३ मत पर्‍यो । 

नेपाली कांग्रेसबाट सभामुखका उम्मेदवार मानबहादुर रावलले २० मत पाए । रावलको विपक्षमा २८ मत परेको थियो । रावललाई सभामुखमा निर्वाचित गरियोस् भन्ने प्रस्ताव निर्णयार्थ प्रस्तुत गर्दा बैठकमा सत्ता पक्षका एक र प्रतिपक्षका तीन गरी चार प्रदेश सभा सदस्य अनुपस्थित थिए । भण्डारीको प्रस्ताव निर्णयार्थ प्रस्तुत हुँदा भने प्रदेश सभाका सबै सदस्यको उपस्थिति थियो ।

५३ सदस्यीय प्रदेश सभामा सभामुखमा निर्वाचित हुन २७ मत आवश्यक थियो । यसअघि भएका दुईवटा निर्वाचनमा सभामुख चयन हुन सकेको थिएन । गत २८ पुसमा भएको निर्वाचनमा भण्डारीलाई बहुमतका लागि एक मत कम परेको थियो । भण्डारीले २६ र रावलले २४ मत पाएका थिए । त्यस दिन सत्ता पक्षका दुईजना अनुपस्थित रहे पनि सत्ता पक्षकै एक मत बदर भएको थियो ।

सत्ता पक्षलाई समर्थन गरेको नागरिक उन्मुक्ति पार्टी दोस्रोपटक ३० पुसमा भएको निर्वाचनमा भने तटस्थ बसेको थियो । उक्त पार्टीकी अध्यक्ष रञ्जिता श्रेष्ठ सोमबार धनगढी आएर आफ्ना सांसदलाई सत्ता पक्षका उम्मेदवारलाई मतदान गर्न निर्देशन दिएकी थिइन् । सभामुखमा निर्वाचित भण्डारी बझाङबाट प्रदेश सभा सदस्यमा निर्वाचित भएका हुन् ।



प्रतिक्रिया दिनुहोस !
सम्बन्धित खबरहरु

पोखारा । गण्डकी प्रदेश सभाले दुई वटा अध्यादेश स्वीकृत गरेको छ । आज (बिहीबार) बसेको प्रदेश सभा बैठकले प्रदेश सरकारबाट

सुर्खेत । कर्णाली सरकारले पूर्णता पाएको छ । मुख्यमन्त्री राजकुमार शर्माले बुधबार नै मन्त्रिपरिषद विस्तार  गरी मन्त्रीहरुको जिम्मेवारी तोकेका छन्

पोखरा  । गण्डकी प्रदेशमा ७ वटा मात्रै मन्त्रालय बनाउन सत्ता गठबन्धनका दलहरु सहमत भएका छन् । अहिले प्रदेशमा १२ मन्त्रालय

वीरेन्द्रनगर । कर्णाली प्रदेशका मुख्यमन्त्री राजकुमार शर्माले विश्वासको मत प्राप्त गरेका छन् । उनले शुक्रबारको प्रदेशसभा बैठकबाट विश्वासको मत पाएका हुन् ।