"समृद्ध नेपाल, सुखी नेपाली"का लागि सुशासन नेपाल

प्रज्ञा पुरस्कार १० जनालाई पुरस्कृत गर्ने निर्णय

प्रकाशित मिति :  ४ चैत्र २०८०, आईतवार ११:३२


काठमाडौँ । नेपाल प्रज्ञा प्रतिष्ठानले भाषासाहित्यका क्षेत्रमा लामो समयदेखि सक्रिय १० जनालाई पुरस्कृत गर्ने भएको छ। प्रतिष्ठानले प्रदान गर्दै आएका पुरस्कारमा सामान्य संशोधन र केही पुरस्कार थप गर्दै यस १० जनालाई पुरस्कृत गर्ने निर्णय भएको जनाएको छ। प्रतिष्ठानले शुक्रबार जारी गरेको विज्ञप्तिमा खगेन्द्र संग्रौलालाई प्रज्ञा अनुवाद पुरस्कार प्रदान गर्ने निर्णय भएको उल्लेख छ। यसैगरी प्रज्ञा दर्शन पुरस्कार मोहनविक्रम सिंहलाई प्रदान गर्ने निर्णय भएको छ।

शान्ता श्रेष्ठलाई प्रज्ञा सामाजिकशास्त्र पुरस्कार, घनश्याम शर्मा पौडेललाई प्रज्ञा संस्कृति, लोकवार्ता तथा मौखिक इतिहास पुरस्कार, कृष्ण गौतमलाई प्रज्ञा समालोचना तथा साहित्येतिहास पुरस्कार प्रदान गर्ने निर्णय भएको विज्ञप्तिमा उल्लेख छ।

प्रज्ञा भाषा पुरस्कार देवीप्रसाद गौतम, प्रज्ञा साहित्य पुरस्कार (पद्य) बम देवान, प्रज्ञा साहित्य पुरस्कार (गद्य) राजव, प्रज्ञा बालसाहित्य पुरस्कार गंगा कर्माचार्य र प्रज्ञा अन्तर्देशीय पुरस्कार पदम विश्वकर्मालाई दिइने निर्णय भएको विज्ञप्तिमा उल्लेख छ।

प्रत्येक वर्ष दिइने यी पुरस्कारको राशि जनही एक लाख रपैयाँ छ। प्रज्ञा मातृभाषा साहित्य पुरस्कारबाट योगेन्द्रमान प्रधानांग र बेचन उराँव यसअघि नै पुरस्कृत भइसकेका छन्।



प्रतिक्रिया दिनुहोस !
सम्बन्धित खबरहरु

काठमाडौँ । फिल्म क्षेत्रमा चर्चित नाम हो दयाहाङ राई। राईका कैयौँ फिल्मले दर्शकको मन जित्न सफल भएको छ। हिरोइज्म मात्रै फिल्म

काठमाडौँ । नेपाल प्रज्ञा प्रतिष्ठानले राष्ट्रिय कविता महोत्सव-२०८१ का लागि कविता आह्वान गरेको छ। प्रतिष्ठानको ६७औं वार्षिकोत्सवको अवसरमा हुने कविता महोत्सवका

काठमाडौं । उपेन्द्र सुब्बाको लेखन र निर्देशन रहेको फिल्म ‘मनसरा’को अग्रिम बुकिङ बुधबारबाट खुला भएको छ । क्यूएफएक्सले देशभरका हलमा ‘मनसरा’लाई ६९ शो दिएको छ ।

काठमाडौं । गत वर्षको ब्लकबस्टर ‘जारी’ फेम्ड निर्देशक उपेन्द्र सुब्बाको अर्को फिल्म ‘मनसरा’ प्रदर्शन पर्खाइमा छ। यही वैशाख २१ गतेदेखि