लुम्बिनी प्रदेशसभा सदस्य जानकीप्रसाद यादव निलम्बित
सुशासन नेपाल
दाङ । लुम्बिनी प्रदेश सभा सदस्य जानकीप्रसाद यादवलाई भ्रष्टाचारको मुद्दा लागेपछि प्रदेशसभा सदस्यबाट निलम्बन गरिएको छ । यादवविरुद्ध अख्तियार दुरुपयोग अनुसन्धान आयोगले विशेष अदालतमा भ्रष्टाचार मुद्दा दर्ता गरेकाले उनी स्वतः निलम्बनमा परेको लुम्बिनी प्रदेश सभा सचिवालयले शनिबार सूचना जारी गरि जानकारी दिएको हो ।
प्रदेशसभा सचिव दुर्लभ कुमार पुनले सूचना जारी गरि यादवविरुद्धको मुद्दा अन्तिम किनारा नभएसम्म स्वतः निलम्बनमा रहने कानुनी व्यवस्था रहेकाले सोही अनुसार निलम्बन गरिएको जानकारी दिए । यादव विरुद्ध सार्वजनिक सम्पति (वन पैदावार)को हानीनोक्सानी गरि भ्रष्टाचार गरेको भन्ने विषयमा फागुन ८ गते विशेष अदालतमा मुद्दा परेको हो ।
उनी कपिलवस्तु क्षेत्र नम्बर ३ को २ बाट प्रत्यक्ष निर्वाचित सांसद हुन् । राष्ट्रिय प्रजातन्त्र पार्टीबाट निर्वाचित सांसद यादव यस अघि उद्योग, पर्यटन तथा यातायात व्यवस्था मन्त्री भएका थिए । उनलाई मुद्दाको किनारा नलाग्दासम्म निलम्बित गरिएको हो ।
