"समृद्ध नेपाल, सुखी नेपाली"का लागि सुशासन नेपाल

रारामा ६ महिनामा ६ हजारभन्दा बढी पर्यटक पुगे

प्रकाशित मिति :  ४ माघ २०८०, बिहीबार १४:५८


मुगु । कर्णाली प्रदेशकै मुख्य पर्यटकीय गन्तव्य रारा घुम्न ६ महिनामा ६ हजार सात सयभन्दा बढी पर्यटक पुगेका छन्। रारा राष्ट्रिय निकुञ्जको कार्यालयले दिएको जानकारीअनुसार गत साउन १ गतेदेखि पुस मसान्तसम्ममा आन्तरिक पर्यटक ६ हजार पाँच सय ५७ सार्क तथा विदेशी मुलुकबाट एक सय ५६ जना गरी ६ हजार  सात सय १३  पर्यटकले रारा भ्रमण गरेका हुन्।

रारा राष्ट्रिय निकुञ्ज कार्यालयका संरक्षक अधिकृत राजु घिमिरेले ६ महिनामा ६ हजार सात सय १३ पर्यटकले रारा भ्रमण गरेको बताए। चालू वर्षको सुरुवाती ६ महिनामै रारा आउने पर्यटकको संख्या वृद्धि हुनुले सुखद र खुसीको लक्षण देखिएको पनि उनको भनाइ छ।

दसैँ/तिहार बिदामा रारामा आन्तरिक पर्यटक बढी आएको निकुञ्जले जनाएको छ। यो चालू आवको ६ महिनामा रारा घुम्न आउने पर्यटकबाट उठाइएको शुल्क र अन्य सजाय, जरिवानाबाट निकुञ्जले  करिब २२ लाख १८ हजार राजस्व असुल गरेको पनि रारा राष्ट्रिय निकुञ्जको कार्यालयले जनाएको छ।

गत वर्ष ११ हजार आन्तरिक पर्यटकले रारा भ्रमण गरेका थिए भने सार्क मुलुकबाट २६ जना र अन्य विदेशी एक सय ८३ पर्यटक रारा आएका थिए। कोरोना महामारीका कारण चार वर्षसम्म शिथिल बनेको पर्यटकीय क्षेत्र रारामा यो वर्ष पर्यटक आगमन बढ्ने देखिएको छ।

निकुञ्ज कार्यालयले रारा भ्रमणमा आउने आन्तरिक पर्यटकबाट प्रतिव्यक्ति एक सय, सार्क मुलुकका पर्यटकबाट प्रतिव्यक्ति एक हजार पाँच सय र सार्क मुलुकबाहिरका पर्यटकबाट प्रतिव्यक्ति तीन हजारका दरले प्रवेश शुल्क उठाउने गरेको छ।

हवाईमार्गबाट ७५ प्रतिशत र सडकमार्गबाट २५ प्रतिशत पर्यटक रारा भ्रमणमा आउने गरेका छन्। पर्यटन व्यवसायीहरूले भने सडक र हवाईमार्ग भरपर्दो नहुँदा रारामा अझै पर्यटक आगमन उल्लेख्य रूपमा वृद्धि हुन नसकेको गुनासो गरेका छन्। अर्कोतिर रारा क्षेत्रमा पर्यटकलाई बास बस्ने सुविधायुक्त होटेल र मनोरञ्जनका साधनसमेत छैनन्।

भरपर्दो सडक, सुविधासम्पन्न होटेल नहुँदा पर्यटकले बाटोमा सास्ती खेप्नुपरेको गुनासो सधैँजसाे गर्दैआएका छन्। यो जाडो मौसममा पनि रारा आउने पर्यटकको संख्या बढेको देखिन्छ। यो वेला रारा क्षेत्रको  तापक्रम रातिमा माइनस आठ र बिहान दिउँसो माइनस पाँचसम्म पुग्ने रारा मौसम केन्द्रका अब्जवर बास्मती रावलले जनाइन्।

यति धेरै चिसो हुँदाहुँदै पनि विगत वर्षहरूमा वर्षभरि आउने पर्यटनभन्दा बढी यसपटक चालू वर्षको सुरुवाती ६ महिनामै आएका छ्न्। यही रेसियोमा हेर्ने हो याे वर्षभरि रारामा पर्यटक १५–१६ हजारसम्म पुग्ने अनुमान गरिएको छ। यस वर्ष हिमपात नभएकाले हिउँ परे रारामा हिउँ खेल्न आउने पर्यटक बढ्ने पनि निकुञ्जले अनुमान गरेको छ।

  • नयाँ पत्रिकाबाट



प्रतिक्रिया दिनुहोस !
सम्बन्धित खबरहरु

काठमाडौँ । अर्थमन्त्री प्रकाशशरण महतले आगामी आर्थिक वर्षको बजेटसम्बन्धी छलफलका लागि संघीय संसद्को प्रतिनिधिसभामा सोमबार प्रि-बजेट प्रस्ताव पेस गरेका छन् ।

दाङ । लुम्बिनी प्रदेश सभा सदस्य जानकीप्रसाद यादवलाई भ्रष्टाचारको मुद्दा लागेपछि  प्रदेशसभा सदस्यबाट निलम्बन गरिएको छ । यादवविरुद्ध अख्तियार दुरुपयोग

काठमाडौं । कृषि विकास बैंकले विभिन्न पदमा ११२ जना कर्मचारी मागेको छ। सूचना प्रकाशन गर्दै बैंकले शाखा अधिकृतदेखि लेखापाल सम्म ११३

काठमाडौँ ।  चालु आर्थिक वर्षको सात महिनामा मुलुकको व्यापार घाटा ८ खर्ब ११ अर्ब ११ करोड २९ लाख रुपैयाँ पुगेको छ ।