थयान्क्यु सिनेमाकाे व्यानरमा चलचित्र निर्माण हुने
काठमाडौं । थ्यान्क्यु सिनेमाकाे ब्यानरमा चलचित्र निर्माण हुने भएकाे छ । चलचित्रकाे नाम सार्वजनिक नभएपनि अहिले स्कृप्ट लेखनकाे कार्य धमाधम भइरहेकाे छ । चलचित्रमा विशेषगरी रंगमञ्चमा काम गरेका कलाकारहरूलाई प्राथमिकता दिइने निर्माण पक्षले जनाएकाे छ । यसअघि एकमात्र कलाकार राखेर `अन्तिमपाना´ चलचित्र निर्माण गरेका दिवाज राई किराँती नै चलचित्र निर्माण गर्न लागेका हुन् । चलचित्रकाे स्कृप्ट लेखन जीवन थापा क्षितिजले गरिरहेका छन् । अहिलेसम्म ५० प्रतिशत स्कृप्ट लेखनकाे कार्य सकिएकाे थापाले जानकारी दिए । थापा विगत एक दशकदेखि रंगमञ्चसँगै चलचित्र लेखन निर्देशनमा सक्रिय छन् । चलचित्रकाे छायांकन आगामी भदाैदेखि सुरू हुने निर्माता राईले जानकारी दिए । यसकाे छायांकन नेपालका विभिन्न स्थान तथा विदेशमा पनि हुने उनले बताए । करिव तीन कराेडकाे लगानीमा फिल्म निर्माण हुने छ । अहिले कलाकार र निर्देशककाे भने टुङ्गाे लागिसकेकाे छैन ।