"समृद्ध नेपाल, सुखी नेपाली"का लागि सुशासन नेपाल

संसद् भवनभित्रै प्रहरी जवान आफैंले गोली हानेर आत्महत्या गरेको प्रारम्भिक निष्कर्ष

प्रकाशित मिति :  ६ असार २०८१, बुधबार ११:०७


काठमाडौँ । नयाँ बानेश्वरस्थित संघीय संसद् भवनभित्र नेपाल प्रहरीका एक जवानले बुधबार बिहान आफैँलाई गोली हानेर आत्महत्या गरेका छन्। संसद् सचिवालयका प्रवक्ता एकराज गिरीले प्रहरी जवान अजित गोले आफैँले पेस्तोल प्रहार गरेको बताए। उनका अनुसार गोलेको निधन घटनास्थलमै भएको छ। गिरीले भने, ‘गोलेको शव शौचालयमा गोली लागेको अवस्थामा भेटिएको छ।’ प्रहरीका अनुसार गोलेको निधारमा गोली लागेको छ।

बानेश्वर वृत्तका डीएसपी शिवराज बुढाथोकीले गोलेले आत्महत्या गरेको विषयमा थप अनुसन्धान भइरहेको बताए। उनले भने, ‘गोलेले के कारणले आत्महत्या गरे भन्ने विषयमा अनुसन्धान भइरहेको छ।’ घटनाक्रमअनुसार गोलेले आफैँले गोली हानी आत्महत्या गरेको देखिएको उनको भनाइ छ।

२२ वर्षीय प्रहरी जवान गोलेले शौचालयमा गएर आफैँमाथि गोली प्रहार गरेकाे गिरीको भनाइ छ। उनी नेपाल प्रहरीको हेडक्वाटरबाट खटाइएको स्पेसल टाक्स फोर्समा कार्यरत थिए। उनी बिहान ड्युटीमा खटिएका थिए।



प्रतिक्रिया दिनुहोस !
सम्बन्धित खबरहरु

काठमाडौँ – पूर्वप्रधानमन्त्री तथा कांग्रेस सभापति शेरबहादुर देउवाले संविधान संशोधन गर्दा सबै राजनीतिक दलहरूबीच सहमति खोजेरै गरिने बताएका छन् ।  प्रतिनिधिसभामा

काठमाडौँ – प्रधानमन्त्री केपी शर्मा ओलीले प्रतिनिधिसभाको बैठकमा नेपाली कांग्रेस र नेकपा एमालेबीच सत्ता सहकार्यका लागि भएको ७ बुँदे सहमतिपत्र

काठमाडौं । स्वास्थ्य तथा जनसंख्यामन्त्री प्रदीप पौडेलले अस्पतालहरुको सेवा प्रभावकारी बनाउन दुई सिफ्टमा ओपीडी सेवा सञ्चालन गर्नेलगायत ९ बुँदे निर्णय गरेका

काठमाडौँ – राष्ट्रिय स्वतन्त्र पार्टी(रास्वपा)ले उपसभामुख इन्दिरा राना मगरसँग जोडेर पार्टीको छविलाई धूमिल पार्ने प्रयास भएको जनाएको छ । कार्यवाहक प्रवक्ता