गण्डकीको मुख्यमन्त्रीमा खगराजले गरे दाबी
काठमाडौँ । गण्डकी प्रदेशमा एमालेका नेता खगराज अधिकारीको नेतृत्वमा सरकार गठन गर्न दाबी गरेका छन्। एमाले, माओवादी र स्वतन्त्र सांसद राजीव गुरुङको समर्थनमा मुख्यमन्त्री दाबी गरेका हुन्।
यसमा सभामुखको समेत संख्या गनिएको छ। एमालेका २२, माओवादीका सभामुखसहित ८ र स्वतन्त्र सांसद दीपक मनाङे गरी ३१ सिट पुग्छ। दलको सिट संख्याका आधारमा बहुमत पुर्याएर दाबी गरेको हो।
प्रदेश प्रमुखले एक साताभित्र अर्थात् २७ चैत दिउँसो ३ बजेसम्म समयसीमा दिएर नेपालको संविधान धारा १६८(२) बमोजिम सरकार गठनका लागि आह्वान गरेका थिए।