"समृद्ध नेपाल, सुखी नेपाली"का लागि सुशासन नेपाल

नेकपा एमालेमा हट्यो ७० वर्ष उमेरहद, ओलीलाई फेरि अध्यक्ष बन्‍न सहज

प्रकाशित मिति :  २४ जेष्ठ २०८०, बुधबार १४:४८


काठमाडौँ। नेकपा एमालेले केन्द्रीय कमिटीको उम्मेदवारको उमेर हद हटाएको छ। यसअघि ७० वर्षे उमेर हद रहेकोमा अब सो प्रावधान हटाएको हो। वैशाख २८ देखि ३० सम्म बसेको केन्द्रीय कमिटी बैठक र जेठ १९ गते बसेको सचिवालय बैठकले उमेर हद हटाउने निर्णय गरेको हो।

एमालेले मातहत कमिटीमा पठाएको अन्तरपार्टी निर्देशनमा पार्टी विधानमा रहेको केन्द्रीय कमिटीको ७० वर्षको उमेर हद हाललाई निलम्बन गर्ने बताइएको छ।

काठमाडौँमा भएको नवौँ महाधिवेशनदेखि केन्द्रीय कमिटीको चुनाव लड्न ७० वर्ष नपुगेको हुनुपर्ने प्रावधान विधानमै राखेको थियो। ०७८ मंसिरमा चितवनमा भएको दसौँ महाधिवेशनले पनि केन्द्रीय कमिटीमा रहन ७० वर्षे उमेर हदलाई पारित गरेको थियो।

महाधिवेशनले तोकेको सो व्यवस्था केन्द्रीय कमिटी र सचिवालय बैठकले परिवर्तन गरेको छ। अध्यक्ष केपी शर्मा ओलीलाई फेरि अध्यक्ष बनाउने रणनीतिले एमालेले उमेर हद हटाएको हो। यसले ०८४ सालमा हुने निर्वाचनपछि एमालेबाट ओली नै संसदीय दलको नेता र प्रधानमन्त्रीको उम्मेदवार बन्ने बाटो खोलेको छ।

तत्कालीन नेकपाकालमा विरष्ठ नेता माधव नेपाल, भीम रावल, घनश्याम भुसाल र अष्टलक्ष्मी शाक्यलगायतले पार्टीमा ७० वर्षे उमेर हद कायम रहनुपर्ने र दोस्रो तहका नेतालाई पार्टीको नेतृत्व दिनुपर्ने भन्दै आवाज उठाउँदै आएका थिए। तर पार्टीको सबै अधिकार आफैँमा राख्न ओलीले सो प्रावधान बैठकबाटै परिवर्तन गरेका छन्।

  • रासस



प्रतिक्रिया दिनुहोस !
सम्बन्धित खबरहरु

काठमाडौँ – पूर्वप्रधानमन्त्री तथा कांग्रेस सभापति शेरबहादुर देउवाले संविधान संशोधन गर्दा सबै राजनीतिक दलहरूबीच सहमति खोजेरै गरिने बताएका छन् ।  प्रतिनिधिसभामा

काठमाडौँ – राष्ट्रिय स्वतन्त्र पार्टी(रास्वपा)ले उपसभामुख इन्दिरा राना मगरसँग जोडेर पार्टीको छविलाई धूमिल पार्ने प्रयास भएको जनाएको छ । कार्यवाहक प्रवक्ता

काठमाडौँ । नेपाली कांग्रेसका महामन्त्री गगनकुमार थापाले एमालेसँग गरिएको सात बुँदे लिखित सहमति कार्यान्वयन हुनेमा आशंका व्यक्त गरेका छन् । उनले

काठमाडौँ – नेपालको राजनीतिक इतिहासमा पूर्वप्रधानमन्त्री एवं नेपाल समाजवादी पार्टीका अध्यक्ष डा.बाबुराम भट्टराईको भूमिका समेटिएको ‘बाबुराम : अ भिजनरी रिबेल’ पुस्तक