"समृद्ध नेपाल, सुखी नेपाली"का लागि सुशासन नेपाल

प्युठानका मल्लरानी र सरुमारानी बेरुजु शुन्यमा, दोस्रो पटक पनि देशभरकै उत्कृष्ट

प्रकाशित मिति :  १ बैशाख २०८०, शुक्रबार १३:०२


काठमाडौँ । आर्थिक अनुशासनमा प्युठानको मल्लरानी गाउँपालिका र सरुमारानी गाउँपालिका देशभरकै उत्कृष्ट पाइएका छन्। गत आर्थिक वर्ष २०७८/७९ को लेखापरीक्षण प्रतिवेदनअनुसार प्युठानका दुवै गाउँपालिका देशभरकै उत्कृष्ट पाइएका हुन्।

महालेखा परीक्षक कार्यालयले बिहीबार सार्वजनिक गरेको ६०औँ वार्षिक प्रतिवेदनले मल्लरानी र सरुमारानी गाउँपालिकामा शून्य बेरुजु रहेको हो। प्रतिवेदनअनुसार तेह्रथुमको आठराई गाउँपालिका सबैभन्दा बढी बेरुजु रहेको स्थानीय तह रहेको छ। सो गाउँपालिकामा गत आर्थिक वर्षमा पालिका बजेटको २०.३१ प्रतिशत बेरुजु रहेको छ।

आर्थिक पारदर्शीता र कानुनी व्यवस्था बमोजिम कार्यसम्पादन गर्दा बेरुजु शुन्यमा सम्भव रहेको मल्लरानी गाउँपालिकाका पूर्व प्रमुख प्रशासकीय अधिकृत वालकृष्ण थापाले बताए । अहिलेका प्रमुख प्रशासकीय अधिकृत महेश केसीले भने – “अघिल्लो वर्ष कायम गरेको शुन्य बेरुजुको पहिचानलाई कायम गर्ने प्रेरणाले अहिले पनि शुन्यमा कायम गर्न सफल भयौँ ।”

महालेखाले १५ प्रतिशतभन्दा बढी बेरुजु रहेका स्थानीय तहको संख्या ६ वटा रहेको छ। ५ देखि १५ प्रतिशत बेरुजु रहेका स्थानीय तहको संख्या २ सय ५ र ५ प्रतिशतभन्दा कम बेरुजु रहेका स्थानीय तहको संख्या ५ सय ४० रहेको महालेखाले उल्लेख गरेको छ।



प्रतिक्रिया दिनुहोस !
सम्बन्धित खबरहरु

काठमाडौं । मोबाइल डिभाइस म्यानेजमेन्ट सिस्टम -एमडीएमएस) खरिदमा अनियमितता गरेको अभियोगमा अख्तियार दुरुपयोग अनुसन्धान आयोगले २० जनाविरुद्ध भ्रष्टाचारको मुद्दा दायर

काठमाडौं । शिक्षा, विज्ञान तथा प्रविधि मन्त्री सुमना श्रेष्ठलाई नेपाल विद्यार्थी संघले ध्यानाकर्षण गराएको छ । नेपाली कांग्रेसको भ्रातृ संस्था

काठमाडौँ । राष्ट्रिय सभा उपाध्यक्ष उर्मिला अर्यालले राजीनामा दिएकी छिन् । बिहीबार उपाध्यक्ष अर्यालले राष्ट्रिय सभाका अध्यक्ष नारायण दाहाललाई राजीनामा बुझाएकी

काठमाडौं । प्रधानमन्त्री पुष्पकमल दाहाल प्रचण्डले संवैधानिक परिषद्को बैठक बोलाएका छन् । १८ चैत अर्थात् आइतबार बिहान बस्ने गरी प्रधानमन्त्री