"समृद्ध नेपाल, सुखी नेपाली"का लागि सुशासन नेपाल

उद्यमशीलता प्रवर्द्धनका लागि नवप्रवर्तन सञ्जाल गठन

प्रकाशित मिति :  २ फाल्गुन २०७९, मंगलवार १२:३०


काठमाडौं । राष्ट्रिय युवा परिषदको अगुवाइमा उद्यमशीलता प्रवर्द्धनका लागि नवप्रवर्तन तथा इन्कुवेसनमा क्रियाशील सरकारी तथा गैरसरकारी क्षेत्रका निकाय र संस्थाहरुले सञ्जाल गठन गरेका छन् ।

सोमवार उपत्यकामा विभिन्न सरोकारवालाहरुको उपस्थितिमा आयोजित कार्यक्रममा युवाहरुलाई नवप्रवर्तनमा आकर्षित गर्न सहजीकरण गर्ने उद्देश्यले सो सञ्जाल गठन गरिएको परिषदका कार्यकारी उपाध्यक्ष सुरेन्द्र बस्नेतले जानकारी दिए ।

नवप्रवर्तन तथा इन्कुवेसनमा भएगरेका अनुभव आदानप्रदान गर्ने, सहकार्यको वातावरण निर्माण गर्ने र नयाँ सम्भावनाको खोजी गर्ने सञ्जालको मुख्य ध्येय रहेको बस्नेतले बताए । परिषदको संयोजनमा गठित खुकुलो प्रकृतिको सञ्जालमा सरकारी निकायबाट विभिन्न सरोकारवाला मन्त्रालयका प्रतिनिधि, सिटिइभिटीका प्रतिनिधि, नास्टका प्रतिनिधि, विश्वविद्यालय अनुदान आयोगका प्रतिनिधि, विभिन्न विश्वविद्यालयका प्रतिनिधि रहनेछन् ।

त्यसैगरी गैरसरकारी क्षेत्रबाट नेपाल उद्योग वाणिज्य महासंघ, अन्तरप्रेरणा, आइडिया स्टुडियो, युथ इनोभेसन ल्याब, हेल्विटास्, क्रियसन नेपाल, अक्सफाम नेपाल लगायतका संघसंस्था रहनेछन् । सञ्जालमा सम्वन्धित क्षेत्रमा क्रियाशील सरकारी तथा गैरसरकारी क्षेत्रका संघ संस्था थप्दै लगिने बताइएको छ ।



प्रतिक्रिया दिनुहोस !
सम्बन्धित खबरहरु

काठमाडौं । अभियन्ता ईःबारे काठमाडौं महानगरपालिकाका मेयर बालेन्द्र साहले सातौँ दिनमा प्रतिक्रिया जनाएका छन्। सामाजिक सञ्जाल फेसबुकमार्फत उनले अभियन्ताहरूलाई संवादमा बोलाउँदा अस्वीकार

काठमाडौं । सरकारले नवप्रवर्तन, आविष्कार र अनुसन्धान सम्बन्धी कार्यमा समन्वय र सहजीकरण गर्न शिक्षा, विज्ञान तथा प्रविधि मन्त्रालयमा छुट्टै इकाई

काठमाडौं । प्रधानमन्त्री पुष्पकमल दाहाल प्रचण्डले नवप्रवर्तनको क्षेत्रलाई उच्च प्राथमिकता दिएर सरकारले काम गर्ने प्रतिवद्धता जनाएका छन् । मंगलबार बिहान

काठमाडौं । उपप्रधान तथा अर्थमन्त्री विष्णुप्रसाद पौडेलले स्टार्टअप कार्यविधि र परियोजना कर्जासम्बन्धी व्यवस्था छिट्टै कार्यान्वयनमा आउने बताएका छन् । नेपाल