एमाले र रास्वपाले तीन मन्त्रीको राजीनामा माग्दै संसद् अवरुद्ध
![](https://i0.wp.com/www.sushasannepal.com/wp-content/uploads/2024/02/Samsad-e1708237578735.jpeg?fit=1477%2C723&ssl=1)
काठमाडौं । विवादित मन्त्रीहरुका सम्बन्धमा स्पष्ट रुलिङको माग गर्दै विपक्षी दलहरुले प्रतिनिधि सभाको बैठक अवरोध गरेका छन् ।नेकपा एमाले, राष्ट्रिय स्वतन्त्र पार्टी रास्वपाले विवादित मन्त्रीहरुको सम्बन्धमा कहिले जवाफ आउने हो त्यो तोकिएर रुलिङको माग राखेकका छन् ।
रास्वपाका सभापति रवि लामिछानेले विवादित मन्त्रीहरुको सम्बन्धमा दिन, घण्टा र मिनेट तोकेर रुलिङको माग गरे । सभामुखबाट रुलिङ नभएपछि विपक्षी दलहरुले ‘विवादित मन्त्रीहरु राजीनामा दे’, ‘विवादित मन्त्रीलाई बर्खास्त गर’ लगायतका नाराबाजी सुरु गरेका छन् ।
सांसदहरूको नाराबाजीपछि सभामुख देवराज घिमिरेले बैठक १५ मिनेटका लागि स्थगित गरेका छन् ।