"समृद्ध नेपाल, सुखी नेपाली"का लागि सुशासन नेपाल

नामिबियासँग नेपालको लगातार दोस्रो हार

प्रकाशित मिति :  ९ फाल्गुन २०८०, बुधबार १६:०६


काठमाडौँ । आईसीसी क्रिकेट विश्वकप लिग-२ मा नेपाल नामिबियासँग लगातार दोस्रोपल्ट पराजित भएको छ। नेपाल बुधबार अफ्रिकी टोली नामिबियाविरुद्धको दोस्रो खेलमा २ विकेटले पराजित भएको हो। १६९ रनको लक्ष्य पछ्याएको नामिबियाले ४० ओभरमा ८ विकेट गुमाएर जित निश्चित गरेको थियो ।

त्रिवि क्रिकेट मैदानमा भएको खेलमा नामिबियाका लागि कप्तान जेरार्ड इरासमसले ५६ बलमा ८ चौका र २ छक्कासहित ५२ रन बनाएका थिए। माइकल भ्यान लिंगेनले ३४ बलमा ४ चौका र २ छक्कासहित ३१ रन बनाएका थिए। नेपालका लागि कुशल भुर्तेलले तीन विकेट लिए भने दीपेन्द्रसिंह ऐरी, रोहित पौडेल, ललित राजवंशी र कुशल मल्लले एकएक विकेट लिएका थिए।

टस हारेर पहिले ब्याटिङ गर्ने निम्तो पाएको नेपाल ३७.१ ओभरमा १६८ रनमा समेटियो। नेपालका लागि ओपनर आसिफ सेखले अर्धशतक प्रहार गरेका थिए। अन्य ब्याटरले भने सोचेअनुरूप प्रदर्शन गर्न सकेनन्। यसअघि फागुन ३ गते भएको खेलमा पनि नेपाल नामिबियासँग पराजित भएको थियो।

अर्को खेल शुक्रबार नामिबियाले नेदरल्यान्डस्सँग खेल्नेछ। आइतबार अन्तिम खेलमा नेदरल्यान्ड्स र नेपालबीच प्रतिस्पर्धा हुनेछ।



प्रतिक्रिया दिनुहोस !
सम्बन्धित खबरहरु

काठमाडौं । नेपालले एसीसी प्रिमियर कप २०२४ मा मलेसियालाई ५ विकेटले हराउँदै विजयी सुरुवात गरेको छ । १४४ रनको लक्ष्य

काठमाडौँ । एसीसी ट्वान्टी–२० प्रिमियर कप शुक्रबार ओमानमा सुरु भएसँगै नेपालको अन्तर्राष्ट्रिय क्रिकेटमा वास्तविक परीक्षा हुनेछ । नेपालले विदेशी भूमिमा दुई

काठमाडाैं । राष्ट्रपति रामचन्द्र पौडैलले इद पर्वको शुभकामना दिएका छन्। मुस्लिम समुदायले मनाउने इदको अवसरमा ‍शुभकामना सन्देश जारी गर्दै राष्ट्रपति पौडेलले

काठमाडौं । संयुक्त राष्ट्रसङ्घका महासचिव एन्टिनियो गुटेरेसले दक्षिण एसियाली क्षेत्रीय सहयोग सङ्गठन (सार्क) लाई निरन्तर सहयोग रहने प्रतिबद्धता जनाएका छन्