६ महिनामा १० अर्बभन्दा बढीको विदेशी फलफूल आयत
प्रकाशित मिति : १४ माघ २०८०, आईतवार १३:४८
सुशासन नेपाल
76
Shares
काठमाडौँ । नेपालीले चालु आर्थिक वर्षमा १० अर्बभन्दा बढीको विदेशी फलफूल खाएका छन् । भन्सार विभागको तथ्याङ्क अनुसार चालु आर्थिक वर्षको ६ महिनामा नेपालमा १० अर्ब ७३ करोड ३५ लाख ४३ हजार रुपैयाँको फलफूल आयात गरी उपभोग गरिएको हो ।
सोही अवधिमा नेपालबाट ६६ लाख १ हजार रुपैयाँको मात्रै फलफूल निर्यात भएको छ । नेपालले फलफूलमा १० अर्ब ७२ करोड ६९ लाख ४२ हजार व्यापार घाटा बेहोरेको छ । सरकारले फलफूलको कारोबारबाट ३ अर्ब १५ करोड ४४ लाख १० हजार रुपैयाँ राजस्व सङ्कलन गरेको छ ।
नेपालमा भारत, चीन लगायत मुलुकबाट फलफूल आयात हुँदै आएको छ भने सोही मुलुकमा केही मात्रामा नेपालबाट फलफूल निर्यात भएको विभागको तथ्याङ्कमा उल्लेख छ ।
