"समृद्ध नेपाल, सुखी नेपाली"का लागि सुशासन नेपाल

महामन्त्रीद्वयको टोलीले बनायो भूकम्पपीडितलाई अस्थायी टहरा

प्रकाशित मिति :  २४ कार्तिक २०८०, शुक्रबार १५:४०


काठमाडौँ । नेपाली कांग्रेसका नेताहरूले श्रमदान गरेर भूकम्पपीडितका लागि अस्थायी टहरा निर्माण गरेका छन्। महामन्त्रीद्वय गगन थापा र विश्वप्रकाश शर्मा र केन्द्रीय सदस्य गोविन्दराज पोखरेललगायत नेताहरूले जाजरकोटको नलगाड नगरपालिका वडा नम्बर १ चिउरीमा टहरा निर्माणमा श्रमदान गरेका छन्।

आफूहरूले जाजरकोटका भूकम्पपीडितका लागि अस्थायी टहरा निर्माणमा सहयोग गरेको केन्द्रीय सदस्य पोखरेलले बताए। कांग्रेस केन्द्रीय कार्यसम्पादन समिति बैठकले भूकम्पको केन्द्र जाजरकोटलगायत क्षेत्रको स्थलगत अवलोकनसहित विभिन्न काम गर्न महामन्त्रीद्वय थापा र शर्माको संयोजकत्वमा समिति गठन गरेको थियो।

बिहीबार कांग्रेस महामन्त्री गगनकुमार थापा इन्जिनियरको टोलीसहित चिउरीमा अस्थायी टहरा बनाउन व्यस्त देखिन्थे । महामन्त्री थापा पार्टीले गठन गरेको उद्धार, राहत र पुनःस्थापनाका लागि अनुगमन तथा व्यवस्थापन सहजीकरण समितिअन्तर्गत अस्थायी टहरा बनाउन बिहीबार चिउरी पुगेका थिए । उनीसँग केन्द्रीय सदस्य गोविन्द पोखरेलसहितको प्राविधिक टिम पनि छ ।

थापाले भूकम्पपीडितलाई एक–दुई साताका लागि त्रिपाल चाहिने भए पनि पुनर्निर्माणको काम सुरु नहुँदासम्म अस्थायी टहरा आवश्यक पर्ने बताए । ‘कम्तीमा यो जाडो छेक्ने गरी अस्थायी टहरा बनाउने अभियानअन्तर्गत यहाँ आएको हुँ,’ उनले भने । पार्टीको निर्णयअनुसार अर्का महामन्त्री विश्वप्रकाश शर्मा त्यही अभियानका लागि रुकुम पश्चिममा छन् ।

थापाले भूकम्पको उद्धार, राहत र पुनःस्थापनामा काम गर्न खोजे पनि चुस्त हुन नसकेको आफूले अनुभव गरेको सुनाए । टहराका लागि खाँबो गाड्दै गरेको अवस्थामा भेटिएका उनले संघ र प्रदेश सरकारले करिब ३५ हजार परिवारका लागि काम गर्न कसैको सहयोग नचाहिने बताए ।

कात्तिक १७ गते जाजरकोट केन्द्र भई भूकम्प जाँदा जनधनको क्षति भएको थियो।

तस्बिरहरू:



प्रतिक्रिया दिनुहोस !
सम्बन्धित खबरहरु

काठमाडौं । दुग्ध विकास संस्थानले किसानको रकम भुक्तानी नगरेको भन्दै दुग्ध किसानहरु आन्दोलित भएका छन् । उनीहरुले करिब ७ महिनादेखि

काठमाडौँ । राष्ट्रपति रामचन्द्र पौडेल स्वदेश फर्किएका छन् । स्विजरल्यान्ड र जर्मनीको भ्रमण सकेर बुधबार राष्ट्रपति पौडेल स्वदेश फर्किएका हुन् ।  राष्ट्रपति

काठमाडौँ । नयाँ बानेश्वरस्थित संघीय संसद् भवनभित्र नेपाल प्रहरीका एक जवानले बुधबार बिहान आफैँलाई गोली हानेर आत्महत्या गरेका छन्। संसद् सचिवालयका

काठमाडौँ । सभामुख देवराज घिमिरे र राष्ट्रिय सभाका अध्यक्ष नारायणप्रसाद दाहालले गैरसरकारी संस्था एनजिओ र आइएनजिओहरूले संघीय संसद अन्तर्गतका समिति तथा