"समृद्ध नेपाल, सुखी नेपाली"का लागि सुशासन नेपाल

विद्यालयको भवन निर्माणमा तीन जना दोषी ठहर

प्रकाशित मिति :  २१ कार्तिक २०८०, मंगलवार १२:१८


काठमाडौँ । विशेष अदालतले सार्वजनिक सम्पत्ति हिनामिनाको अभियोगमा तीन जनालाई भ्रष्टाचार मुद्दामा दोषी ठहर गरेको छ । पर्साको रामजानकी नेपाल राष्ट्रिय प्राथमिक विद्यालयको भवन निर्माण समितिका अध्यक्ष र सदस्य तथा प्रधानाध्यापकलाई अदालतले दोषी ठहर गरेको हो । 

अदालतले सोमबार सजाय निर्धारण गर्दै निर्माण समिति अध्यक्ष कन्हैया साह कानु, प्रधानाध्यापक रामवचन प्रसाद, समिति सदस्य रामचन्द्र साह कानुलाई दुई वर्ष छ महिना कैद सजाय निर्धारण गरेको छ । 

अदालतका अध्यक्ष श्रीकान्त पौडेल र सदस्य शालिग्राम कोइरालाको इजलासले सोमबार सजाय निर्धारण गरेको हो । विशेष अदालतका प्रवक्ता धनबहादुर कार्कीले प्रतिवादीलाई दुई वर्ष छ महिना कैद सजाय र मागदाबी अनुसार बिगो तथा जरिबाना भएको बताउनुभयो । 

अदालतले मागदाबी अनुसार ११ लाख ९५ हजार रुपियाँ जरिबाना र बिगो भराउन आदेश गरेको छ । भवन निर्माणका लागि पेस्की रकम लिई कुनै कार्य नगरी हानिनोक्सानी पु¥याएको भन्दै अख्तियार दुरुपयोग अनुसन्धान आयोगले तीनै जनाविरुद्ध विशेष अदालतमा मु्द्दा दायर गरेको थियो । 

काम सम्पन्न नगरेको र पेस्की रकमसमेत विद्यालयको खातामा दाखिला नगरेपछि अख्तियारले मुद्दा दायर गरेको थियो । पेस्की रकम लिएर निर्माण सम्पन्न नगरेको, भवन निर्माणका लागि कानुन अनुसार गर्नुपर्ने सम्झौता नगरेको भन्दै आयोगले मुद्दा दायर गरेको थियो । 



प्रतिक्रिया दिनुहोस !
सम्बन्धित खबरहरु

काठमाडौं । दुग्ध विकास संस्थानले किसानको रकम भुक्तानी नगरेको भन्दै दुग्ध किसानहरु आन्दोलित भएका छन् । उनीहरुले करिब ७ महिनादेखि

काठमाडौँ । राष्ट्रपति रामचन्द्र पौडेल स्वदेश फर्किएका छन् । स्विजरल्यान्ड र जर्मनीको भ्रमण सकेर बुधबार राष्ट्रपति पौडेल स्वदेश फर्किएका हुन् ।  राष्ट्रपति

काठमाडौँ । नयाँ बानेश्वरस्थित संघीय संसद् भवनभित्र नेपाल प्रहरीका एक जवानले बुधबार बिहान आफैँलाई गोली हानेर आत्महत्या गरेका छन्। संसद् सचिवालयका

असारको पहिलो हप्ता भएको हुँदा यतिबेला सबैजसो स्थानीय तहहरू नीति तथा कार्यक्रम र बजेट तयारीका क्रममा व्यस्त छन्। आ–आफ्नो तहमा