"समृद्ध नेपाल, सुखी नेपाली"का लागि सुशासन नेपाल

नेपाल र भारतबीच ‘क्रस बोर्डर’ क्यूआर भुक्तानी सेवा सहकार्य हुदै

प्रकाशित मिति :  २२ भाद्र २०८०, शुक्रबार १३:२७


काठमाडौँ । नेपाल र भारतबीच क्रस बोर्डर क्यूआर भुक्तानी सेवा छिट्टै सुरु हुने भएको छ । नेपालको डिजिटल भुक्तानी सेवा प्रदायक कम्पनी फोनपे र नेसनल पेमेन्ट्स कर्पोरेसन अफ इन्डिया (एनपीसीआई)को शाखा एनआईपीएल बीच क्रस बोर्डर भुक्तानी सेवा सुरु गर्नेगरी सहकार्य भएको छ ।

यो सेवा सुरु भएपछि दुवै राष्ट्रका नागरिकले एकअर्को मुलुकमा मोबाइल एप प्रयोग गरी क्यूआरमार्फत सजिलै भुक्तानी गर्न सक्नेछन् । यो सेवा सञ्चालनका लागि दुवै कम्पनीले तयारी पूरा गरिसकेको फोनपेका सभापति तथा एफवान सफ्ट ग्रुपका अध्यक्ष विश्वास ढकालले जानकारी दिए ।

केही प्राविधिक कामको एकीकरण अन्तिम प्रक्रियामा रहेको उनले बताए । ‘प्राविधिक एकीकरणपश्चात दुवै कम्पनीको नेटवर्कमा आवद्ध सदस्यहरुलाई सेवा प्रदान हुनेछ, यसले लाखौं उपभोक्ता र व्यापारीलाई लाभ मिल्नेछ’ ढकालले भने । दुवै देशमा डिजिटल भुक्तानीलाई बढवा दिन यसले मद्दत पुग्ने उनको भनाइ छ ।

‘दुवै देशका नागरिकको हितका लागि प्रविधिको प्रयोग गरी वित्तीय सम्पर्क अभिवृद्धि गर्ने दिशामा यो महत्त्वपूर्ण कदम हो’ उनले भने ‘दुई देशबीचको व्यापार, पर्यटन र आर्थिक सम्बन्धको विकासमा यसले महत्वपूर्ण योगदान पुर्‍याउनेछ ।’ फोनपेले हाल नेपालमा अन्तरबैंक, व्यक्ति–व्यक्ति, व्यक्ति–व्यवसायीबीच मोबाइल भुक्तानीको सेवा प्रदान गर्दै आएको छ ।



प्रतिक्रिया दिनुहोस !
सम्बन्धित खबरहरु

काठमाडौं । नेपाल धितोपत्र बोर्ड अध्यक्ष हैसियतमा महेश बरालले जिम्मेवारी लिएका छन् । बरालले अर्थमन्त्री बिष्णुप्रसाद पौडेल समक्ष बिहीबार पद

भोजपुर – भोजपुर पौवादुङमा गाउँपालिका–६ ठूलोदुम्मा छिदुवाका २७ वर्षीय युवा सुगम राई व्यावसायिक पशुपालन गरेर लोभलाग्दो आम्दानी गर्दै आएका छन्

काठमाडौँ । लामो समयदेखि सुस्त रहेको अर्थतन्त्र चलायमान बनाउन बैंकरहरूले अर्थमन्त्री विष्णु पौडेललाई आग्रह गरेका छन् । नेपाल बैंकर्स संघका पदाधिकारीले

काठमाडौँ । अन्तर्राष्ट्रिय मुद्रा कोष (आईएमएफ) ले विस्तारित कर्जा सुविधा(ईसिएफ)अन्तर्गत चौथो किस्ताबापट करिब साढे ५ अर्ब (४ करोड १३ लाख