"समृद्ध नेपाल, सुखी नेपाली"का लागि सुशासन नेपाल

पद्मश्री पुरस्कारका उत्कृष्ट ५ पुस्तक सार्वजनिक

प्रकाशित मिति :  २२ भाद्र २०८०, शुक्रबार १३:०४


काठमाडौँ । खेमलाल-हरिकला लामिछाने समाजकल्याण प्रतिष्ठानले पद्मश्री साहित्य पुरस्कारका लागि उत्कृष्ट पाँच कृतिको सूची सार्वजनिक गरेको छ। प्रतिष्ठानले पहिलो चरणमा सार्वजनिक गरेका १५ वटा पुस्तकमध्येबाट दोस्रो चरणको उत्कृष्ट संक्षिप्त सूची प्रकाशन गरिएको जनाएको छ। ती पाँच कृतिमा सुबिन भट्टराईको इजोरिया, विवेक ओझाको ऐँठन, देवीप्रसाद सुवेदीको मनु, प्रदीप रोदनको मफलर र डा. नवराज केसीको शून्यको मूल्य छन्।

प्रतिष्ठानले नेपाली साहित्यमा वर्षभरि प्रकाशित पुस्तकहरुमध्ये निर्णायक मण्डलको छनोटअनुसार उत्कृष्ट पुस्तकलाई पद्मश्री साहित्य पुरस्कार अर्पण गर्दै आएको छ। पुरस्कार २०६३ सालदेखि दिइँदै आएको छ।

‘चयन प्रक्रियाको दोस्रो चरणमा विस्तारित सूचीका १५ पुस्तकमध्येबाट पाँच पुस्तकलाई उत्कृष्ट संक्षिप्त सूची (सर्ट लिस्ट) निर्णायक मण्डलको सिफारिसबमोजिम सार्वजनिक गरेका छौँ’, प्रतिष्ठानका अध्यक्ष जीवा लामिछानेले भनेका छन्।

यसअघि प्रतिष्ठानले ०७९ मा प्रकाशितमध्ये पुरस्कार निर्णायक मण्डललाई प्राप्त १८० पुस्तकमध्ये पहिलो चरणको उत्कृष्ट विस्तारित सूचीमा १५ पुस्तक सार्वजनिक गरेको थियो।



प्रतिक्रिया दिनुहोस !
सम्बन्धित खबरहरु

काठमाडौं । खेमलाल हरिकला समाज कल्याण प्रतिष्ठानले २०७९ को पद्मश्री पुरस्कार र सम्मान घोषणा गरेको छ । पद्मश्री साहित्य पुरस्कार

काठमाडौँ । नेपालको इन्टरनेसनल फिचर फिल्म छनोट समितिले ९६औँ ‘एकेडेमी अफ मोसन पिक्चर आर्ट्स एन्ड साइन्सेस (अस्कर) अवार्डका लागि फिल्म ‘हल्कारा’लाई

मैले रचेको त्यो आधुनिक संसारमामैले तिमिलाई राख्न पाइन भने ?यदि मेरो लागि बनेको त्यो संसारमैले वस्न पाइन भनेर तिमिलेमलाई भन्यौं

काठमाडौं । नेपाली कांग्रेसले यही भदौ २४, २५ र २६ गते  हुने बीपी साहित्य महोत्सवको कार्यक्रम तालिका टुंगो लगाएको छ